Film - Karz

Ek Haseena Thi, Ek Deewana Tha
Kya Umar, Kya Sama, Kya Zamaana Tha...

Ek Din Woh Mile, Roz Milne Lage
Phir Mohabbat Hui, Bas Qayamat Hui
Kho Gaye Tum Kahan, Sunke Yeh Dastaan
Log Hairaan Hain, Kyon Ki Anjaan Hain
Ishq Ki Woh Gali, Baat Jiski Chali
Us Gali Mein, Mera Aana, Jaana Tha
Ek Haseena Thi, Ek Deewana Tha...

Us Haseen Ne Kaha, Suno Jaan-E-Wafa
Yeh Falak Yeh Zameen, Tere Bin Kuchh Nahin
Tujhpe Marti Hoon Maein, Pyar Karti Hoon Maein
Baat Kuchh Aur Thi, Woh Nazar Chor Thi
Uske Dil Mein Chhupi, Chaahat Aur Garzi Thi
Pyar Ka, To Faqat, Ek Bahana Tha
Ek Haseena Thi, Ek Deewana Tha...

Bewafa Yaar Ne, Apne Mehboob Se
Aisa Dhoka Kiya, Zehar Usko Diya
Mar Gaya Woh Jawaan, Ab Suno Daastan
Janam Leke Kahin, Phir Woh Pahuncha Wahin
Shakal Anjaan Thi, Akal Hairaan Thi
Samna Jab Hua, Phir Wohi Sab Hua
Uska Yeh Farz Tha, Uspe Yeh Karz Tha
Farz Ko Karz Apna, Nibhaana Tha
Ek Haseena Thi, Ek Deewana Tha...

BACK TO MAIN PAGE