Film- Kabhi Kabhi
Music- Khayyam
Lyrics- Sahir Ludhianavi
Maein Pal Do Pal Ka Shaayar Hoon
Pal Do Pal Meri Kahani Hai
Pal Do Pal Meri Hasti Hai
Pal Do Pal Meri Jawani Hai
Mujhse Pehle Kitne Shaayar
Aaye Aur Aakar Chale Gaye
Kuch Aahein Bharkar Laut Gaye,
Kuch Nagme Gaakar Chale Gaye
Woh Bhi Ek Pal Ka Kissa Thhey
Maein Bhi Ek Pal Ka Kissa Hoon
Kal Tumse Juda Ho Jaoonga
Woh Aaj Tumhara Hissa Hoon
Maein Pal Do Pal Ka Shaayar Hoon
Kal Aur Aayenge Nagmon Ki
Khilti Kaliyan Chunnewale
Mujhse Behtar Kehnewale,
Tumse Behtar Sunnewale
Kal Koi Mujhko Yaad Kare
Kyon Koi Mujhko Yaad Kare
Mashroof Zamana Mere Liye
Kyon Waqt Apna Barbaad Kare
Maein Pal Do Pal Ka Shaayar Hoon
BACK TO MAIN PAGE